پێش 3 هەفتە 359 جار خوێنراوەتەوە

فراكسیۆنی كۆمه‌ڵ: حكومه‌ت هه‌وڵی تۆڵەکردنەوە لەوكه‌سانه‌ ده‌دات كه‌ باس لە گەندەڵیی بکه‌ن

په‌یام

فراكسیۆنی كۆمه‌ڵی ئیسلامی له‌ راگه‌یه‌ندراوێكدا ده‌ڵێت "حکومەتی هه‌رێم لەبری مشورخواردنی خێرا لە دۆزینەوەی چارەسەری گونجاو بۆ كێشه‌ كه‌ڵه‌كه‌بووه‌كان و دابینكردنی مووچه‌،  كه‌چی خۆی خەریککردووە بە هەوڵی سزادان و تۆڵەکردنەوە لە هەرکەسێک ڕەخنەیەک بگرێت و باس لە گەندەڵیی بکات".

ئاماژه‌ی به‌هوه‌شكردووه‌: "ئێمە چاوەڕێ بووین ئەم خولەی پەرلەمان لە خولەکانی پێشوو کاراتر بێت، به‌ڵام  بەداخەوە بەتەواوی خراوەتە ژێر هەژموونی هێزێکی سیاسیی دیاریکراو و بۆتە پاشکۆی سیاسەت و ئەجێندای حکومەت و بەوهۆیەشەوە خەریکە وایلێدێت پەرلەمانتار نەتوانێت قسە بکات و ڕەخنە بگرێت!"

ئه‌مه‌ش ده‌قی راگه‌یه‌ندراوه‌كه‌ی فراكسیۆنی كۆمه‌ڵی ئیسلامی كوردستانه‌:-


بەناوی خوای بەخشندەی میهرەبان

ڕاگەیدراوێک لە فراکسیۆنی "کۆمەڵ"ـەوە

لەکاتێکدا هەرێمی کوردستان و خەڵکەکەی گیرۆدەی برسێتی و بێکاری و دەیان قەیرانی دیکەی دروستکراو بۆتەوە و باجی سیاسەتی هەڵە و قۆرخکاریی و گەندەڵیی ٢٩ ساڵی حزبە دەسەڵاتدارەکان دەدات، لەبری مشورخواردنی خێرای حکومەت لە دۆزینەوەی چارەسەری خێرا و گونجاو، خۆی خەریککردووە بە هەوڵی سزادان و تۆڵەکردنەوە لە هەرکەسێک ڕەخنەیەک بگرێت و باس لە گەندەڵیی بکات .

دوایین هەوڵی سەرۆکی حکومەت لەو پێناوەدا، بەکارهێنانی دادگا و داواکاریی گشتییە بۆ ناچارکردن و بەکارهێنانی پەرلەمان بەمەبەستی هەڵگرتنی پارێزبەندیی لەسەر پەرلەمانتاری فراکسیۆنەکەمان کاک (سۆران عومەر سەعید) .

ئەمەی به‌ڕێز سەرۆکی حکومەتی هەرێمی کوردستان دەستی داوەتێ، پێشهاتێکی خراپ و مەترسیدارە و سەرەتایەکی تاریکە بە ئاراستەی دامەزراندنی دەسەڵاتێکی ئەمنی کە لەسایەیدا هیچ مەودایەک بۆ ئازادی دەربڕین و کاری پەرلەمانیی ناهێڵێتەوە .

ئەرکی بەڕێزیان و کابینەکەی چارەسەرکردنی قەیرانەکان و بژێوی و گوزەرانی خەڵکە کە بە دوو مانگیش توانای دابەشکردنی موچەیەکی نەماوە !

ئێمە چاوەڕێ بووین ئەم خولەی پەرلەمان لە خولەکانی پێشوو کاراتر بێت لە بینینی ئەرک و مومارەسەی دەسەڵاتەکانی، بەڵام بەداخەوە بەتەواو خراوەتە ژێر هەژموونی هێزێکی سیاسیی دیاریکراو و بۆتە پاشکۆی سیاسەت و ئەجێندای حکومەت و بەوهۆیەشەوە پەرلەمانتاران جگە لەوەی لە ڕۆڵی چاودێریکردن و لێپرسینەوە خراون، خەریکە وایلێدێت نەشتوانێت قسە بکات و ڕەخنە بگرێت !

ئێمە وێڕای سوپاس و پێزانینمان بۆ هه‌ڵوێستی فراكسیۆنه‌كان و كه‌سایه‌تی و جه‌ماوه‌ری كوردستان، ڕایگشتییش لەم پێشهاتە خەتەرناکە ئاگاداردەکەینەوە، داواش لە هەموو فراکسیۆنەکانی په‌رله‌مان دەکەین ڕێگەنەدەن ئەم هه‌وڵه‌ سەربگرێت کە دواجار پەرلەمانی کوردستان لە بەرزترین دەسەڵاتی یاسادانان و چاودێرییەوە دەکاتە دەزگایەکی بندەستی حکومەت و بەرپرسە دەستڕۆیشتووەکانی !

فراکسیۆنی کۆمەڵ
لە پەرلەمانی کوردستان
٤ ی ئایاری ٢٠٢٠
هەولێر

لە تۆڕە کۆمەڵایەتیەکان شەیری بکە

  • 2 رۆژ پێش ئێستا

    ئەمیری كۆمەڵی ئیسلامی پرسەنامەیەكی ئاڕاستەی خانەوادەی دكتۆر مستەفا خوڕەمدڵ كرد

  • 4 رۆژ پێش ئێستا

    ناوەندی زانایانی کۆمەڵ: نه‌‌ده‌بوو به‌ داخستنی مزگه‌وته‌كان خۆشییەکانی جەژن لە خەڵک تێكبده‌ن

  • 4 رۆژ پێش ئێستا

    به‌بۆنه‌ی هاتنه‌وه‌ی جه‌ژنی ڕه‌مه‌زان مامۆستا عه‌لی باپیر په‌یامێك بڵاوده‌كاته‌وه‌

  • 5 رۆژ پێش ئێستا

    ئەمیری كۆمەڵی ئیسلامی: نەبوونی دادگەری كێشەی سەرەكیی هەرێمی كوردستانە

  • 6 رۆژ پێش ئێستا

    هه‌ولێر.. پڕۆژه‌ی كانیاوی ڕۆژوه‌وان خزمه‌ت به‌و ڕۆژوه‌وانانه‌ ده‌كات كه‌ بۆ به‌ربانگ ناگه‌نه‌وه‌ ماڵه‌كانیان

  • 6 رۆژ پێش ئێستا

    هه‌ولێر.. به‌ئاماده‌بوونی ئه‌میری كۆمه‌ڵ، ئێواره‌خوانێكی به‌ربانگ سازكرا

  • پێش 1 هەفتە

    ئه‌نجومه‌نی خه‌لیفانی كۆمه‌ڵ سه‌به‌ته‌ی خۆراك به‌سه‌ر هه‌ژاراندا دابه‌شده‌كات

  • پێش 2 هەفتە

    ئەنجومەنی سۆرانی كۆمەڵی ئیسلامی پێداویستی جەژن بۆ زیاتر لە 100 منداڵی بێباوك و هەژار دابین دەكات

سەرەتا