18/04/2020 236 جار خوێنراوەتەوە

خۆگونجاندنی دەرونی لەگەل فشاری کۆرۆنا

په‌یام

د.هێمن فاتیح ـ پزیشکی پسپۆڕی دەروونی

ھەر لەسەرەتای دروستبونەوە، مرۆڤ روبەڕووی فشاری دەرونی بووەتەوە، کە ھەندێکیان فشاری بچوکن و ئەگەری روودانیان زۆرە و ڕۆژانە یاخود جار و بار دووچارمان دەبن، وەکو ناکۆکی لەگەڵ دەوروبەر، دواکەوتن لە کار، نەبوونی کارەبا، دواکەوتنی موچە، و ..ھتد، ھەندێکیان فشاری توندن وەکو لە دەستدانی کەسێکی نزیک، بوونی هەڕەشە لەسەر ژیان، ژینگەی شەڕ و پێکدادان، ھەواڵێکی ناخۆشی کتوپڕ یاخود ڕوبەڕوبوونەوەی ڤایرۆسێکی کوشندەی وەک کۆرۆنا، کە مەترسی لەسەر ژیانی خۆمان و کەسوکارمان دروست دەکات، هەرچەندە فشارەکە گەورەتر بێت کاریگەریە دەرونییەکانیشی زیاتر دەبن.

کاردانەوە دەرونییەکان دەگونجێت نیشانەی جیاواز لەخۆی بگرێت وەک؛ ترس، دڵتەنگی، توڕەبوون، بێهیوایی، و ناڕێکی خەو و خواردن، بەگشتیی کاردانەوە و خۆگونجاندنی کەسەکان جیاوازن لەبەرامبەر فشارەکان، هەندێک لە فشارەکە ڕادەکات یاخود نکۆڵی لێدەکات، و هەندێکی تر ڕوبەڕوی دەبنەوە و هەوڵی خۆپاراستن لێ ی و خۆگونجاندن دەدەن، و ئەم ڕێگەیە شیان ڕێگە دروستەکەیە.

بۆ ڕوبەڕوبونەوەیەکی دروستی ڤایرۆسی کۆرۆنا لەسەر ئاستی تاک، پێویستە کەسەکە هەوڵی خۆ هۆشیارکردنەوە بدات لە شێوازی خۆپارێزی و پەیڕەوی ڕێنماییەکان بکات، بەمەش هێزێک و متمانە بەخۆبوونێکی پێدەبەخشێت و لەهەمان کاتدا ترسەکەی کەم دەکاتەوە، پاشان دەبێت گرنگی بدات بە خەو و خواردنی ڕێک و وەرزشی بەردەوام، لەگەڵ خوێندنەوە و کاری دەستڕەنگینی.

هەموو ئەم کارانە وادەکەن تاک هەست بە دەرونێکی ئارام بکات و بەرگری لەشی بەهێز بێت.

بە پێچەوانەوە، ناڕێکی لە شێوازی دروستی ژیان، پەنابردنە بەر بەکارهێنانی دەرمان بێ ڕێنمایی پزیشک، و بەدواداچونی بەردەوامی هەواڵەکان، بەتایبەت ئەو سەرچاوانەی ناڕەسمین بۆ مەبەسێکی تایبەتی هەواڵی تۆقینەر و ناڕاست بڵاو دەکەنەوە دەرونێکی نائارام و بارێکی شڵەژان دروست دەکات کە لەڕووی فرمانەوە پەککەوتەیی بۆ کەسەکە دروست دەکات و لەڕوی دەرونیەوە هەست بە توڕەیی، دڵتەنگی، دڵەڕاوکێ و تۆقین دەکات، و هەم لە ڕووی جەستەیشەوە کەسەکە بەرگری لاواز دەبێت.

کەواتە ئەم دۆخەی تێیکەوتووین بەشێکە لە سوڕی ژیان و کۆتایی پێدێت، و دوای ئەم بارودۆخەش بەرزونشێویەکانی ژیان دوبارە دەبنەوە، گرنگ ئەوەیە ئێمە ئەو ئەرکەی لەسەرمانە جێبەجێی بکەین.

نە بێباک و کەمتەرخەمبین، خۆمان و کەسانی تر دوچاری گرفت بکەین، و نە هەست بە بێدەسەڵاتی بکەین لەبەرامبەریدا، بەڵکو ئەو هەنگاوانەی دروستن بۆ ڕوبەڕوبونەوەی فشارەکان بگرینە بەر،بۆ زاڵ بوون بەسەر گرفتەکانی ئەم دۆخە نەخوازراوە و پاراستنی ئارامی دەروونیمان. بە هیوای سەلامەتی و دەروندروستی بۆ هەمووان

لە تۆڕە کۆمەڵایەتیەکان شەیری بکە

  • پێش 3 هەفتە

    چۆن دواکەوتنی قسەکردنی منداڵان چاره‌سه‌ر بكه‌ین؟

  • 18/04/2020

    خۆگونجاندنی دەرونی لەگەل فشاری کۆرۆنا

  • 13/04/2020

    مناڵه‌كه‌ت باڵای كورته‌؟ ئه‌م 10 خۆراكه‌ی پێبده‌ باڵاكه‌ی درێژ ده‌بێت!

  • 19/03/2020

    دوورکەوتنەوەی کۆمەڵایەتی باشترین تاکتیک بۆ بە ڕەنگاربوونەوەی کۆرۆنا

  • 18/01/2020

    نووستنی تەندرووست چیە بۆ منداڵ؟

  • 09/01/2020

    چۆن خواردن بدەین بەمنداڵ لە تەمەنی ٦ مانگیەوە

  • 29/12/2019

    پێش ئەوەی بەشوویان بدەن، کچەکانتان ئامادەی شووکردن بکەن

  • 18/12/2019

    چۆن ببین بەخاوەنی کاری خۆمان؟

سەرەتا