هێرشبەرێکی خولی ئینگلیزی یانەی ڕیاڵ مەدرید بێ هیوا دەکات

پەیام سپۆرت - بڕیار تەها

ڕئول خیمینێزی مەکسیکی و هێڕشبەری یانەی وڵڤەرهامپتۆنی ئینگلیزی پشتڕاستی دەکاتەوە لە گرێبەستەکەیدا نرخی هەڵوەشاندنەوەی گرێبەست بوونی نییە.

  سەرەتایی مانگی ڕابردوو میدیاکانی ئیسپانی هەواڵێکیان بڵاوکردەوە و ئاماژەیان بەوە دەکرد، یانەی ڕیاڵ مەدرید گرنگی بە تواناکانی خیمینێز دەدەت، دواتر باس لەوە کرا یانە ئینگلیزییەکە کاتێک گرێبەستی لەگەڵ هێرشبەرە مەکیسکییەکەدا کردووە نرخی هەڵوەشاندنەوەی گرێبەستی دیاری نەکردووە و ئەمەش ئەرکی یانەی ڕیاڵ مەدریدی قورس کردووە.

لەم بارەیەشەوە خیمینێز دیدارێکی کورتی لەگەڵ ڕۆژنامەی زەسەنی بەڕیتانی ئەنجام داوە و دەڵێت: هاوینی ڕابردوو یانەی وڵڤەرهامپتۆن بە 40 ملیۆن یۆرۆ توانیان من بڕین، بەڵام ڕازی نین بە هیچ نرخێک دەستبەرداری من ببن.

لە درێژەی قسەکانیدا هێرشبەرە مەکسیکییەکە ئەوەی پشتڕاستکردەوە لە گرێبەستی نێوان خۆی و یانە ئینگلیزییەکەدا مەرجی هەڵوەشاندنەوەی گرێبەستی بوونی نییە و ئاماژەی بەوەشکرد، یانەکانی ئینگلتەرا بە ڕێگای جیاواز ئیش و کاری کارگێڕی خۆیان ڕادەپەڕێنن.

گرێبەستی خیمینێز هاوینی 2023 لەگەڵ یانەی وڵڤەرهامپتۆن کۆتایی دێت و یاریزانەکە لەم وەرزەدا بەشداری 44یاری کردووە و 22گۆڵی بۆ یانەکەی تۆمار کردووە و 10 گۆڵێشی بۆ هاوڕێکانی دروستکردووە.