04/04/2020
361 جار خوێنراوەتەوە
هاوپهیمانی نێودهوڵهتی بهبههای زیاتر لهیهك ملیۆن دۆلار هاوكاری ههسهده دهكات
پهیام
هاوپەیمانیيەتی
نێودەوڵەتی دژبە داعش رایگەیاند كە بە بەهای یەك ملیۆن و 200 هەزار دۆلار یارمەتی
پێشكەش "ههسهده " لە سووریا كردووە بۆ رووبەڕووبوونەوەی ڤایرۆسی كۆرۆنای
نوێ "كۆڤید-19".
هاوپەیمانیيەتی
نێودەوڵەتی دژبە داعش بەڕابەرایەتی ئەمریكا راگەیەندراوێكی بڵاوكردەوە و تیایدا ئەوەی
خستووەتە ڕوو كە كەرەستە و پێدوایستییەكانی پزیشكی دابینكردووە بۆ ئەوەی لە
گرتووخانە و نەخۆشخانەكانی هەردوو شاری حەسەكە و شەدادی باكووری رۆژهەڵاتی سووریا
كە لەژێر كۆنترۆڵی "هێزهكانی سوریای دیموكرات"دان بەكاربهێندرێن.
لە راگەیەندراوێكدا
ئەوەش هاتووە "ئەو پێدوایستییە پزیشكیانە یارمەتیدەر دەبێت بۆ پاراستنی گیانی
فەرمانبەرانی نەخۆشخانەكان لە حەسەكە و شەدادی، هێزەكانی سووریای دیموكرات و پاسەوانانی
گرتووخانەكان لەو دوو شارەدا".
بەپێی ئەوەی لە
راگەیەندراوەكەدا خراوەتەڕوو جێگری بەڕێوەبەری كاروباری شارستانی لە هاوپەیمانيیەتی
نێودەوڵەتی دژبە داعش، جەنەرال بڕیان هیندرسن گوتوویەتی: "پەیوەندییە هەمیشییەكانمان
لەگەڵ ههسهده، ئەم پەتایە تێدەپەڕێنێت ئەوەیش گرنگە بۆ یارمەتیدانی هێزەكانی
سووریای دیموكرات لە بەدیهێنانی سەقامگیری و ئاسایش لە باكووری رۆژهەڵاتی سووریا".
بەپێی راگەیەندراوەكە
وەزیری دەرەوەی ئەمریكا، مایك پۆمپیۆ لە 27ی مانگی رابردوودا رایگەیاندبوو كە بە بەهای
16 ملیۆن و 800 هەزار دۆلار پێشكەش دەكەن بۆ رووبەڕووبوونەوەی ڤایرۆسی كۆرۆنا لە
سووریا.
لە تۆڕە کۆمەڵایەتیەکان شەیری بکە