31/03/2020
169 جار خوێنراوەتەوە
عێراق.. سیستەمی خوێندنی ئەلیكترۆنی پەیڕەوده‌كات
وەزارەتی خوێندنی باڵا و توێژینەوەی زانستی عێراق رایگەیاند كە بەهۆی ئەو رەوشە نائاساییەی هاتووەتە ئاوارەوە، سیستەمی خوێندنی ئەلیكترۆنی بەشێوەیەكی كاتی لە وڵاتدا پەیڕەو دەكرێت.
لە راگەیەندراوێكدا، وەزارەتی خوێندنی باڵا و توێژینەوەی زانستی ئاماژەی بەوەكردووە"ئامانج لە پەیڕەوكردنی سیستەمی خوێندنی ئەلیكترۆنی لەم رەوشە نائاساییەدا كە عێراق و جیهان پێدا تێپەڕدەبن، بەردەوامیدانە بە خوێندن و پەیوەندی نێوان قوتابیان و مامۆستایان كە ئەمەش لەلایەن سەرجەم دامەزراوە ئەكادیمییەكانی جیهانەوە پەیڕەوكراوە".
باسی لەوەشكردووە كە ئەو سیستەمە سەركەوتووانە بەم دواییە لەلایەن یونیسكۆ هەروەها رێكخراوی جیهانی ئیسلامی بۆ پەروەردە و زانستەوە داندراوە.
وەزارەتی خوێندنی باڵا و توێژینەوەی زانستی داواشی لە مامۆستایان كردووە كە هەوڵەكانیان زیاتر بخەنەگەڕ لەپێناو فێركردنی قوتابیان و سەرخستنی پڕۆسەكانی خوێندن و راشیگەیاندووە كە لە رێگەی تیمێکی شارەزایییەوە چاودێری میكانیزمی جێبەجێكردنی خوێندنی ئەلیكترۆنی دەكات.
لە تۆڕە کۆمەڵایەتیەکان شەیری بکە