31/03/2020
495 جار خوێنراوەتەوە
عێراق...پاتریۆت رێگریكرد لە دوو مووشەكی ئاراستەكراو بۆسەر بنكەیەكی سوپای ئەمریكا
پهیام
سەرچاوەیەكی سەربازی رایگەیاند كە سیستەمی پاتریۆت رێگریكردووە لە دوو مووشەكی ئاراستەكراو بۆسەر بنكەیەك لە رۆژئاوای عێراق كە سەربازانی ئەمریكای تیایدا جێگركراوە.
لەوبارەوە ئەفسەرێك لە سوپای عێراق كە نەیویست ناوی ئاشكرا بكرێت ئاشكرایكرد، سیستەمی پاتریۆتی ئەمریكا بەرپەرچی دوو مووشەكی داوەتەوە كە ئاراستەی بنكەی عەین ئەسەد لە ناحیەی بەغدادی رۆژئاوای شاری رومادی ناوەندی پارێزگای ئەنبار كرابوون.
باسی لەوەشكرد كە دوو مووشەكەکە دوای تەقاندنەوەیان لەسەر رێگەیەكی گشتی رۆژهەڵاتی بنكەی عەین ئەسەد كەوتوونەتەخوارەوە.
ئەو ئەفسەرە وتیشی،"ئامانج لە ئاراستەكردنی دوو مووشەكەكە، بۆردومانكردنی هێزەكانی ئەمریكا بووە".
لە تۆڕە کۆمەڵایەتیەکان شەیری بکە