31/03/2020
420 جار خوێنراوەتەوە
نرخی یهك بهرمیل نهوتی خاوی برێنت گهیشته 24 دۆلار و 26 سهنت
پهیام
دوێنێ نرخی بەرمیلێک نەوتی برێنت گەیشتە ٢٤ دۆلار
و ٢٦ سەنت و رۆژەکەی بە ٢٣ دۆلار و ٤٦ سەنت تەواوکرد، لە بەیانی ئەمڕۆشەوە نرخی نەوت
بەراورد بە ئێوارەی دوێنێ، سەدا ٤،٧٣ هەڵکشانی بەخۆیەوە بینیوە و گەیشتوەتە ٢٤ دۆلار
و ٥٧ سەنت.
بەهەمان شێوە نرخی بەرمیلێک نەوتی رۆژئاوای تێکساس
گەیشت بە ١٩ دۆلار و ٥٧ سەنت.
بەڕێوبەرایەتی زانیاری وزەی ئەمریکا ئەوەی راگەیاندووە
کە کاریگەری بڵاوبوونەوەی ڤایرۆسی کۆرۆنای نوێ "كۆڤید-19" لەسەر ئابووری جیهان و نەگەیشتن بە بڕیاری
ئەندامانی رێکخراوی وڵاتانی هەناردەکاری نەوت (OPIC) و وڵاتانی دەرەوەی رێکخراوەکە لەسەر کەمکردنەوەی بەرهەمهێنانی نەوت
وای کردووە لەم مانگەدا، هەڵکشان و داکشانی سەخت لە نرخی نەوتدا رووبدات.
لەلایەکی دیکەشەوە هەواڵەکانی تایبەت بە گەیشتن
بە رێککەوتنی سەرۆکی رووسیا، ڤلادیمیر پۆتین و سەرۆکی ئەمریکا، دۆناڵد ترەمپ لەسەر
پێکهێنانی گفتوگۆی نێوان هەردوو وڵات سەبارەت بە پرسی ئابووری، کاریگەری هەبوو لەسەر
بەرزبوونەوەی نرخی نەوت کە گەیشتۆتە نزمترین نرخی ١٨ ساڵی رابردوو.
لە تۆڕە کۆمەڵایەتیەکان شەیری بکە