31/03/2020
834 جار خوێنراوەتەوە
بریکارەکەی لاوتارۆ ناوی ئەو یانانە ئاشکرا دەکات کە گرنگی بە گواستنەوەی یاریزانەکە دەدەن
پەیام سپۆرت - بڕیار تەها
بریکارەکەی لاوتارۆ مارتینێزی ئەرجەنتینی و هێرشبەری یانەی ئینتەرمیلانی ئیتاڵی ئاشکرای دەکات، هەردوو یانەی ڕیاڵ مەدرید و بەرشەلۆنەی ئیسپانی گرنگی بە گواستنەوەی یاریزانەکە دەدەن.
لە میانی لێدوانێکدا بۆ ڕۆژنامەی دەیلی مەیلی بەڕیتانی و سەبارەت بەو دەنگۆیانەی لەم چەند مانگەدا بڵاودەکڕێتەوە، بریکارەکەی لاوتارۆ مارتینێز سەرجەم هەواڵەکانی پشتڕاستکردەوە و رایەگەیاند، هەردوو یانەی بەرشەلۆنە و ڕیاڵ مەدریدی ئیسپانی ئارەزوو دەکەن لاوتارۆ بۆ ڕیزەکانیان بگوازنەوە، بەڵام لە ئێستادا هیچ شتێکی تازە لەو بارەیەوە نییە و تەنیا گرنگی پێدانە.
لە درێژەی قسەکانیدا بریکارەکەی یاریزانە ئەرجەنتینییەکە وەک دڵنیاییەک بۆ هاندەرانی نێرازۆری ئاماژەی بەوەکرد، لاوتارۆ بە مەبەستی ڕاست و دروستی دەنگۆی ڕۆژنامەکان سەبارەت بە گرنگی پێدانی لە لەیان یانەکانی دیکەوە پەیوەندی پێوە نەکردوم و تەنیا و تەنیا سەرنجی لەسەر یانەکەی خۆیەتی.
لە کۆتاییدا بریکارەکەی لاوتارۆ ئەوەی خستەڕوو، هیچ شتێکی فەرمی و ڕاستەقینە لە گفتوگۆکاندا بوونی نییە و تەنیا ئەوە نەبێت لە بازاڕی گواستنەوەدا خواست لەسەر لاوتارۆ هەیە، بەڵام لاوتارۆ گرنگی بەو بابەتە نادات و تەنیا دەیەوێت لەگەڵ ئینتەرمیلان یاری بکات و گۆڵ تۆمار بکات.
لە تۆڕە کۆمەڵایەتیەکان شەیری بکە