31/03/2020
371 جار خوێنراوەتەوە
سندوقی نێودەوڵەتی نەختینە: تەنها رووسیا و توركیا داوای پاڵپشتی بەپەلەیان نەكردووە
په‌یام
بەڕێوەبەری بەشی ئەورووپا لە سندوقی نێودەوڵەتی نەختینە، پۆل تۆمسن رایگەیاند كە جگە لە توركیا و رووسیا، زۆربەی وڵاتانی ناوەڕاست و رۆژهەڵاتی ئەورووپا داواکاریان پێشكەش بە سندوقی نێودەوڵەتی نەختینە كردووە كە تیایدا داوای پاڵپشتی بەپەلەیان كردووە.
پۆل تۆمسن لە نووسینێكدا كە لەسەر تۆڕی ئینتەرنێت بڵاویكردووەتەوە تیایدا ئەوەی خستووەتەڕوو، ڤایرۆسی كۆرۆنای نوێ "كۆڤید-19" زۆر بەهێزی لە ئەورووپای داوە و جەختیكردووتەوە كە قەیرانەكە كاریگەری گەورەی دەبێت بۆسەر ئابووری كە تا ئێستا نازاندرێت تا كەی ئەو قەیرانی بەردەوام دەبێت.
بەڕێوەبەری بەشی ئەورووپا لە سندوقی نێودەوڵەتی نەختینە، پۆل تۆمسن باسی لەوەشكردووە كە بڵاوبوونەوەی ڤایرۆسی كۆرۆنای نوێ، یەك لەسەر سێی بەرهەمی وڵاتە ئابوورییە زلهێزەكانی ئەورووپای راگرتووە گوتی: "بەهۆی ڤایرۆسەكەوە لەمساڵدا، ئابووری ئەورووپا پاشەكشە دەكات".
راشیگەیاند كە جگە لە توركیا و رووسیا، زۆربەی وڵاتانی ناوەڕاست و رۆژهەڵاتی ئەورووپا داواکاریان پێشكەش بە سندوقی نێودەوڵەتی نەختینە كردووە كە تیایدا داوای پاڵپشتی بەپەلەیان كردووە.
پۆل تۆمسن ئاماژەی بەوەیشكرد كە تا ئێستا 70 وڵات دەیانەوێت سوودمەندبن لە پرۆگڕامی فریاكەوتنی سندوقی نێودەوڵەتی نەختینە بە بەهای 50 ملیار دۆلار كە بە ئامانجی رووبەڕووبوونەوەی ئەو قەیرانەی كە بەهۆی ڤایرۆسی كۆرۆناوە هاتووەتە ئاوارەوە، تەرخانكراوە.
لە تۆڕە کۆمەڵایەتیەکان شەیری بکە