فەرمی.. گریزمان داهاتووی خۆی لەگەڵ بەرشەلۆنە یەکلایکردەوە

پەیام سپۆرت - بڕیار تەها
ئانتوان گریزمانی فەرەنسی لە نوێترین چاوپێکەوتنیدا باسی لە داهاتووی خۆی لەگەڵ یانەی بەرشەلۆنەی ئیسپانی دەکات.

لە میانەی دیدارێکیدا لەگەڵ ڕۆژنامەی موندۆ دیپۆڕتیڤۆی کەتەلۆنی و لەبارەی دەنگۆی ڕۆیشتنی لە یانەی بەرشەلۆنە لە هاوینی ئەمساڵدا گریزمان وتی: دەمەوێت بۆ پۆشینی درێسی ژمارە 7ی بەرشەلۆنە ئامادەکاری بۆ وەرزی داهاتوو بکەم.

لە درێژەی قسەکانیدا هێرشبەرە فەرەنسییەکە و خاوەنی مۆندیالی 2018 ئاماژەی بەوەکرد، تەندروستی ئەو زۆر باشە، بەڵام بە لە تۆپی پێ دوورکەوتوونەتەوە و جارێ ڕوون نییە کەی و لە چ کاتێکدا بۆ مەشقە کۆمەڵییەکان دەگەڕێنەوە.

لە کۆتایشدا گریزمان باسی لە دواخستنی یۆرۆی ئەمساڵ کرد و دەڵێت: ئەو بڕیارە تەواو بێ تاقەتی کردم، بەڵام وەرزی داهاتوو هەموو شتێک باش دەبێت و ئێمەش یارییەکان ئەنجام دەدەینەوە.

جێی بیرهێنانەوەیە کاتێک گریزمان لە ئەتلەتیکۆ مەدریدەوە و لە هاوینی ڕابردوو پەیوەندی بە بەرشەلۆنەوە کرد لەو کاتەدا کۆتینۆ درێسی ژمارە 7ی لە یانەکەدا دەپۆشی و ناچار گریزمان بە ژمارە 17ی هەڵبژارد، بەڵام دوای چەند هەفتەیەک یاریزانە بەڕازیلییەکە بە خواستن پەیوەندی بە یانەی بایرن میونخەوە کرد و بە ئەرگەرێکی زۆریشەوە جارێکی دیکە کۆتینۆ درێسی بلوگرانا ناپۆشێتەوە.