28/03/2020
605 جار خوێنراوەتەوە
ڕاستییەکە ئاشکرا دەبێت، ئایا سەرۆکی تۆتینهام لە کۆتینۆ تووڕەیە؟
پەیام سپۆرت - بڕیار تەها
کیا جۆرابچاینی
ئێرانی و بریکاریکارەکانی فێلیپی کۆتینیۆی بەرازیلی ڕاست و دروستی ئەو دەنگۆیانە
ئاشکرا دەکات کە باس لە تووڕەیی دانێلی لیڤی سەرۆکی یانەی تۆتینهام لە یاریزانە
بەڕازیلییەکە دەکەن.
هاوینی ڕابردوو
نزیکبوو لەوەی کۆتینۆ پەیوەندی بە یانەی تۆتینهامەوە بکات، بەڵام لە کۆتاییدا
یاریزانەکە یانەی بایرن میونخی هەڵبژارد، دواتر باس لەوە کرا سەرۆکی یانە
لەندەنییەکە لە یاریزانە بەڕازیلییەکە تووڕە و ئەستەمە جارێکی دیکە سپێرز هەوڵی
گواستنەوەی کۆتینۆ بدات.
لەم بارەیەوە
ڕۆژنامەی میرۆری بەڕیتانی دیدارێکی لەگەڵ بریکاری یاریزانەکەی بەرشەلۆنە ئەنجام
داوە و دەڵێت: کۆتینۆ هیچ گرفتێکی تاکە کەسی لەگەڵ دانێلی لیڤی سەرۆکی تۆتینهامدا نییە،
هۆکاری شکستهێنانی چوونی یاریزانەکە بۆ تۆتینهام پەیوەندی بە ماددەوە نەبووە و
ئەوەی لەو بارەیەوە دەگوترێت ڕاست نییە.
لە درێژەی
قسەکانیدا بریکارەکەی کۆتینۆ ئاشکرای دەکات، لە ڕابردوودا یانەی تۆتینهام
ئامادەبووە کۆتینۆ بۆ ڕیزەکانی بگوازێتەوە، بەڵام لەسەر بڕیاری ماوریزیۆ پۆچێتینۆ
گرێبەستەکە وەستێندراوە و گواستنەوەکە ئەنجام نەدراوە.
لە تۆڕە کۆمەڵایەتیەکان شەیری بکە