28/03/2020
1018 جار خوێنراوەتەوە
بەرشەلۆنە بە ناچاری دەستبەرداری یاریزانێکی یانەکەی دەبێت
پەیام سپۆرت - بڕیار تەها
یانەی بەرشەلۆنەی
ئیسپانی پێچەوانەی ڕابردوو لە ئێستادا ئامادەیە گوێ بۆ ئەو گرێبەستانە بگرێت کە بۆ
گواستنەوەی نیڵسۆن سێمیدۆی پۆرتوگالی و بەرگریکاری یانەکەیان پێشکەش دەکرێن.
لەم بارەیەوە
پێگەی ESPN هەواڵێکی بڵاوکردۆتەوە و ئاماژە بەوە دەکات، کارگێڕی بەرشەلۆنە لە پێناو ڕاگرتنی
هاوسەنگی لە خەزێنەی یانەکەدا بیر لەوە دەکاتەوە دەستبەرداری سێمیدۆ ببێت و لە
داهاتوو گوێ بۆ ئەو گرێبەستانە دەگرێت کە بۆ گواستنەوەی ئەو ئەستێرە پۆرتوگالییە
پێشکەش بە یانەکەیان دەکرێت، بەمەش یانەکە دەرگای بە ڕووی ئەو یاریزانەدا دەکاتەوە
لەم هاوینەدا ڕیزەکانی بلوگرانا بەجێبهێڵێت، هاوینی ڕابردووش چەند یانەیەکی
ئینگلیزیی هەوڵی گواستنەوەی سێمیدۆیان دەدا و لە ئێستاشدا یانەکانی ئینتەرمیلان و
ڕۆما بە گرنگییەوە لە تواناکانی ئەو یاریزانە دەڕوانن.
پێگەی کاڵچۆ
مێرکاتۆی ئیتاڵیش لە بارەی یاریزانانی یانە کەتەلۆنییەکەوە هەواڵێکی بڵاوکردۆتەوە
و ئەوەی خستۆتەڕوو، کارگێڕی بەرشەلۆنە لە بەرانبەر ١٨ ملیۆن پاوەنددا ئامادەیە
دەستبەرداری ئارتۆرۆ ڤیداڵی چیللی و یاریزانی هێڵی ناوەندی یانەکەی ببێت.
لە تۆڕە کۆمەڵایەتیەکان شەیری بکە