کلۆپ باشترین ڕێگەچارە بۆ دەستپێکردنەوەی خولی ئینگلیزی ڕادەگەیەنێت

پەیام سپۆرت - بڕیار تەها

یۆرگن کلۆپی ئەڵمانی و ڕاهێنەری یانەی لیڤەرپووڵی ئینگلیزی لە پەیامێکدا داوا لە هاوڵاتیان دەکات خۆیان لە ڤایرۆسی کۆرۆنا بباپرێزن، چونکە بەو شێوەیە دەتوانن خولەکان دەست پێ بکەنەوە.

 لە میانی لێدوانێکیدا لەگەڵ پێگەی فەرمی یانەکەی، کلۆپ سەبارەت بە ڕێگە چارەی دەستپێکردنەوەی خولی نایابی ئینگلیزی وتی: لە ئێستادا گرنگترین شت مرۆڤەکانن و ئەگەر بمانەوێت بە خێرایی خولەکان دەست پێ بکەنەوە، ئەوا دەبێت زۆر بە باشی خۆمان لە ڤایرۆسی کۆرۆنا بپارێزین و ئەوەش باشترین چارەسەر دەبێت.

لە درێژەی قسەکانیدا کلۆپ ئاماژەی بەوەکرد، پێویستە هاوڵاتیان پابەندی ڕێنماییە پزیشکییەکان ببن و زۆر بە باشی گوێ بۆ زانیارییەکانی حکومەت بگرن تا ئەوەی سەلامەتی خۆیان و خانەوادەکەیان بپارێزن.

لە کۆتایی قسەکانیدا ڕاهێنەرەکەی ڕیدز دەڵێت: ڤایرۆسەکە لە چەند هەفتەی داهاتوودا بەو جۆرە نهێنییە نامێنیتەوە، گرنگترن شت کەمبوونەوەی ژمارەی تووشبوانە، پێویستە پاڵپشتی نەخۆشخانەکان و پزیشکەکان بکەین.