26/03/2020
435 جار خوێنراوەتەوە
پەتای ڤایرۆسی كۆڕۆنا یەكەم حكومەتی ئەوروپی خست
پهیام
پەڕلەمانی كۆسۆڤۆ بە هۆی چۆنێتی مامەڵەكردنی حكومەتی وڵاتەكەی لە ڕووبەڕووبوونەوەی پەتای ڤایرۆسی كۆڕۆنادا، سەرۆكوەزیرانی لەسەر كار لادا.
یاداشتی سەندنەوەی متمانە لە حكومەتی كۆسۆڤۆ 82 دەنگی پەڕلەمانی بەدەست هێنا كە لە 120 ئەندام پێك دێتو 32 ئەندامیش دژی وەستانەوەو یەك ئەندامیش بێدەنگیی هەڵ بژارد.
بەر لە دەنگدان لەسەر لەكارلادانی حكومەتەكەی، (ئەلبین كۆڕتی) سەرۆكوەزیرانی كۆسۆڤۆ تیشكی خستە سەر ئەو بڕیار و هەنگاوانەی حكومەتەكەی لە 50 ڕۆژی ڕابردوودا گرتوونیەتیە بەر.
ماوەیەك لەمەوبەر، سەرۆكی حكومەتی كۆسۆڤۆ دژایەتی خۆی بۆ ڕاگەیاندنی باری لەناكاو بەهۆی ڤایرۆسی كۆڕۆناوە ڕاگەیاند پێی وابوو ئامانج لە هەنگاوێكی لەوشێوەیە دروستكردنی ترسە لە دەروونی خەڵكدا، هەر بەو هۆیەشەوە وەزیری ناوخۆی لە كارەكەی دوورخستەوە.
لای خۆیەوە ئەمریكا خۆشحاڵیی خۆی بە كەوتنی حكومەتەكەی كۆڕتی دەربڕی و ئەڵمانیا و فەڕەنساش ئەو هەنگاوەی پەڕلەمانیان ئیدانە كرد.
لە تۆڕە کۆمەڵایەتیەکان شەیری بکە